រួមចំណែក ដល់កម្ពុជា

ទិដ្ឋភាពទូទៅនៃ OCIC

ក្នុងនាមជាផ្នែកអាជីវកម្មក្រៅវិស័យហិរញ្ញវត្ថុរបស់ Canadia Group ក្រុមហ៊ុន OCIC គឺជាក្រុមហ៊ុនធំជាងគេ និងមានវិស័យចម្រុះបំផុតមួយនៅកម្ពុជា ដែលវិនិយោគលើអចលនទ្រព្យ អាកាសចរណ៍ ហេដ្ឋារចនាសម្ព័ន្ធ ការអប់រំ សុខាភិបាល ការលក់រាយ កសិកម្ម និងវិស័យជាច្រើនទៀត។

អស់រយៈពេលជាង 25 ឆ្នាំមកហើយ OCIC បានគាំទ្រកំណើនរបស់ប្រទេស តាមរយៈការបង្កើតសកម្មភាពសេដ្ឋកិច្ចពីគម្រោងអភិវឌ្ឍន៍របស់ខ្លួន។

ស្ថាបនិករបស់យើង

លោកអ្នកឧកញ៉ា បណ្ឌិត ពុង ឃាវសែ

ក្នុងនាមជាសហគ្រិន និងអ្នកកសាងជនជាតិខ្មែរ លោកបានបង្កើត OCIC ក្នុងឆ្នាំ 2000 ហើយអភិវឌ្ឍក្រុមហ៊ុនឱ្យក្លាយជាក្រុមហ៊ុនហេដ្ឋារចនាសម្ព័ន្ធ និងអភិវឌ្ឍន៍លើវិស័យចម្រុះដ៏សំខាន់មួយនៅកម្ពុជា។ តាមរយៈការវិនិយោគជាយុទ្ធសាស្ត្រក្នុងវិស័យសំខាន់ៗ OCIC រួមចំណែកដល់ការអភិវឌ្ឍរយៈពេលវែងរបស់ប្រទេស។

ស្វែងយល់បន្ថែម

គោលបំណងរបស់យើង

01 ចក្ខុវិស័យ
សេដ្ឋកិច្ចសកល
រួមចំណែកដល់ការផ្លាស់ប្តូរកម្ពុជាឱ្យក្លាយជាសេដ្ឋកិច្ចសកល តាមរយៈការបង្កើតតម្លៃសម្រាប់ភាគីពាក់ព័ន្ធ ហេដ្ឋារចនាសម្ព័ន្ធប្រកបដោយនវានុវត្តន៍ និងភាពជាដៃគូយុទ្ធសាស្ត្រ។
02 បេសកកម្ម
កសាងឱកាស
រួមចំណែកដល់ការអភិវឌ្ឍកម្ពុជាក្នុងតំបន់អាស៊ាន ដោយបង្កើតឱកាសសម្រាប់ប្រជាជនកម្ពុជា ជាពិសេសយុវជនជំនាន់ក្រោយ តាមរយៈការវិនិយោគជាយុទ្ធសាស្ត្ររយៈពេលវែង។
03 គុណតម្លៃ
ទំនុកចិត្ត និងនវានុវត្តន៍
នវានុវត្តន៍ និងស្មារតីសហគ្រិនជំរុញការងាររបស់យើង។ សុចរិតភាព ទំនុកចិត្ត និងការគោរព គឺជាគុណតម្លៃស្នូល និងជាមូលដ្ឋានសម្រាប់គ្រប់គម្រោង។

រឿងរ៉ាវរបស់យើង

2000
ចំណុចចាប់ផ្តើមរបស់ OCIC
ការបង្កើត OCIC
បន្ទាប់ពីការអភិវឌ្ឍធនាគារ កាណាឌីយ៉ា ប្រកបដោយជោគជ័យ ប្រធានក្រុមប្រឹក្សាភិបាល បណ្ឌិត ពុង ឃាវសែ បានបង្កើត OCIC ដើម្បីគាំទ្រតម្រូវការកាន់តែច្រើនរបស់កម្ពុជា លើអចលនទ្រព្យ និងហេដ្ឋារចនាសម្ព័ន្ធ។
2003
ទីសម្គាល់ដំបូងៗរបស់កម្ពុជា
Sorya Center Point
ផ្សារទំនើបដំបូងគេនៅកម្ពុជា ដែលបានក្លាយជាផ្នែកមួយនៃអនុស្សាវរីយ៍សម្រាប់គ្រួសារខ្មែរជាច្រើនជំនាន់។
ភូមិវប្បធម៌កម្ពុជា
ភូមិវប្បធម៌ដំបូងគេនៅកម្ពុជា មានទីតាំងនៅខេត្តសៀមរាប និងធ្លាប់ទទួលស្វាគមន៍ព្រះរាជវង្សានុវង្ស ប្រមុខរដ្ឋ និងបុគ្គលល្បីល្បាញអន្តរជាតិ។
2006
ការអភិវឌ្ឍតំបន់ទីក្រុងដំបូងរបស់ OCIC
កោះពេជ្រ
គម្រោងអភិវឌ្ឍន៍ទីក្រុងធំដំបូងរបស់ OCIC លាតសន្ធឹងលើផ្ទៃដី 100 ហិកតា តាមដងទន្លេបាសាក់។ បច្ចុប្បន្ន កោះពេជ្រជាតំបន់ភ្ជាប់គ្នាដែលមានអគារខ្ពស់ លំនៅឋាន និងសកម្មភាពពាណិជ្ជកម្ម ហើយជាទីលំនៅរបស់ប្រជាជនជាង 15,000 នាក់។
2009
កំណត់ទេសភាពទីក្រុងភ្នំពេញ
អគារ កាណាឌីយ៉ា
ជាអគារខ្ពស់ដំបូងរបស់រាជធានីភ្នំពេញ និងជាអគារខ្ពស់បំផុតនៅកម្ពុជានាពេលនោះ ដែលមានកម្ពស់ 118 ម៉ែត្រ។ ការអភិវឌ្ឍអគារនេះបានបង្ហាញពីការផ្លាស់ប្តូររបស់កម្ពុជាឆ្ពោះទៅរកសេដ្ឋកិច្ចកាន់តែទំនើប និងតភ្ជាប់គ្នា។
មជ្ឈមណ្ឌលពិព័រណ៍កោះពេជ្រ
ទីតាំងសម្រាប់រៀបចំព្រឹត្តិការណ៍អន្តរជាតិ ពិព័រណ៍ឧស្សាហកម្ម ពិធីមង្គលការ និងការជួបជុំសហគមន៍ទ្រង់ទ្រាយធំ។
2011
ពង្រីកការអភិវឌ្ឍរាជធានីភ្នំពេញ
ជ្រោយចង្វារបេយ៍
គម្រោងអភិវឌ្ឍន៍ទីក្រុងទ្រង់ទ្រាយធំ ដែលគាំទ្រដល់ការពង្រីករាជធានីភ្នំពេញ តាមរយៈផែនការរួម ការតភ្ជាប់កាន់តែងាយស្រួល និងការរៀបចំលំនៅឋាន អាជីវកម្ម និងទីធ្លាសាធារណៈឱ្យមានតុល្យភាព។
2012
ការរស់នៅក្នុងទីក្រុង ការ⁠អប់រំ និងបដិសណ្ឋារកិច្ច
ទីក្រុងអូឡាំព្យា
គម្រោងអភិវឌ្ឍន៍ទីក្រុងប្រើប្រាស់ចម្រុះ ដែលរួមបញ្ចូលការិយាល័យ ការលក់រាយ សុខាភិបាល និងការអប់រំ សម្រាប់ជីវភាពប្រចាំថ្ងៃក្នុងទីក្រុង។
សាលាអន្តរជាតិកាណាដា
សាលាអន្តរជាតិធំជាងគេមួយនៅរាជធានីភ្នំពេញ ដែលផ្តល់កម្មវិធីសិក្សាលំដាប់ពិភពលោក។
2017
អចលនទ្រព្យ
បុរីទេសចរណ៍
គម្រោងលំនៅឋានធំជាងគេមួយនៅខេត្តសៀមរាប ដែលលាតសន្ធឹងលើផ្ទៃដី 66 ហិកតា។
2018
ការអប់រំ
សាកលវិទ្យាល័យ ខេមតិច
ផ្តល់លទ្ធភាពឱ្យយុវជនមានទេពកោសល្យ ទទួលបានការអប់រំឧត្តមសិក្សាកម្រិតខ្ពស់ក្នុងវិស័យវិទ្យាសាស្ត្រ។
2020
សុខាភិបាល
មន្ទីរពេទ្យ អុីនធ័រឃែរ
សេវាថែទាំសុខភាពប្រកបដោយគុណភាពនៅក្នុង Olympia Medical Hub តាមរយៈភាពជាដៃគូជាមួយអ្នកផ្តល់សេវាក្នុងស្រុក និងអន្តរជាតិ។
2023
តភ្ជាប់តំបន់នានាក្នុងរាជធានីភ្នំពេញ
ស្ពានឫស្សីកែវ
តភ្ជាប់ជ្រោយចង្វារបេយ៍ទៅកាន់តំបន់ផ្សេងៗនៃរាជធានីភ្នំពេញ និងធ្វើឱ្យការធ្វើដំណើររបស់សហគមន៍នៅត្រើយទាំងពីរកាន់តែងាយស្រួល។
ស្ពានកោះនរា
តភ្ជាប់ខណ្ឌចំការមន និងខណ្ឌច្បារអំពៅ ធ្វើឱ្យការធ្វើដំណើរចូលទីក្រុងកាន់តែងាយស្រួលសម្រាប់អ្នកដំណើរប្រចាំថ្ងៃរាប់ពាន់នាក់។
2025
ច្រកទ្វារអន្តរជាតិថ្មីរបស់កម្ពុជា
អាកាសយានដ្ឋានអន្តរជាតិតេជោ — បើកដំណើរការ
ច្រកទ្វារអន្តរជាតិថ្មីរបស់កម្ពុជាបានដំណើរការពេញលេញ។ អាកាសយានដ្ឋាននេះត្រូវបានរចនាឡើងដើម្បីគាំទ្រកំណើនអាកាសចរណ៍រយៈពេលវែង តាមរយៈប្រសិទ្ធភាពទំនើប និងសមត្ថភាពកាន់តែធំ។
ស្ពានអាកាសមរតកតេជោ
ផ្លូវបំបែកទីក្រុងដ៏សំខាន់ ដែលធ្វើឱ្យលំហូរចរាចរណ៍ និងការធ្វើដំណើរឆ្លងកាត់តំបន់សំខាន់ៗនៃរាជធានីភ្នំពេញកាន់តែប្រសើរ។